पर्सा प्रहरीले लागूऔषधसहित तीन जनालाई पक्राउ गरेको छ। पक्राउ पर्नेमा बाराको निजगढ नगरपालिका–५ का ३८ वर्षीय ईन्द्रबहादुर तामाङ, सोही नगरपालिका–१० का २६ वर्षीय पदम तामाङ र सोही ठाउँका २२ वर्षीय रोशन तामाङ रहेका छन् ।
बिशेष सूचनाको आधारमा उनिहरुलाई आइतबार वीरगञ्ज महानगरपालिका-१३ स्थित परवानीपुरबाट नियन्त्रणमा लिएको प्रहरीले जनाएको छ ।
प्लास्टिक र टेपले बेरिएको अवस्थामा १० पोका लागूऔषध गाँजाको धुलो जस्तो देखिने वस्तु र बा ५३ प ४०४७ नम्बरको मोटरसाइकलसहित उनीहरुलाई नियन्त्रणमा लिएको प्रहरीले जनाएको छ ।
