नवलपरासीमा पराल बोकेको ट्रकमा करेन्ट लाग्दा १ जनाको मृत्यु भएको छ। मृत्यु हुनेमा मध्यविन्दु नगरपालिका–६ का २४ वर्षीय मतिराम महता थारू रहेका छन्।
नवलपरासीको गैंडाकोटमा पराल बोकेको ना २ ख ९०७८ नम्बरको ट्रकमाथि बसेका थारूको नाङ्गो तारमा प्रवाह भइरहेको करेन्ट लागेर ज्यान गएको हो।
जिल्ला प्रहरी कार्यालय अनुसार करेन्ट लागेर गम्भीर घाइते महतोलाई उपचारका लागि अस्पताल लैजाँदै गर्दा बाटोमै मृत्यु भएको हो।
