प्रियिमर लिग फुटबलमा वाटफोर्डले पहिलो जित निकालेको छ।
शुक्रबार राति भएको खेलमा वाटफोर्डले नर्विच सिटीलाई २–० गोल अन्तरले हराउँदै पहिलो जित हात पारेको हो। वाटफोर्डको जितमा जेरार्ड देउलोफ्यु र आन्द्रे ग्रेलेले समान एक एक गोल गरे ।
खेलको दोस्रो मिनेटमा नै देउलोफ्युले गोल गर्दै वाटफोर्डलाई सुरुवाती अग्रता दिलाएका थिए।
ग्रेले ५२ औ मिनेटमा वाटफोर्डको अग्रतालाई दोब्बर बनाउँदै क्लबको जित सुनिश्चित गरेका थिए । उनले देउलोफ्युको क्रसलाई सदुपयोग गर्दै गोल गरेका थिए ।
क्रिश्चियन केबेसल ६५ औ मिनेटमा रातो कार्ड खादै मैदान बाहिरिएपछि पाहुना टिम १० खेलाडीमा सिमित बनेको थियो ।
वाटफोर्डले प्रिमियर लिगमा पहिलो जित दर्ता गर्दै तालिकाको पुछारदेखि तेस्रो स्थानमा उक्लियो । उसले ११ खेलबाट ८ अंक जोड्यो ।
नर्विच ७ अंक सहित तालिकाको पुछारमा रह्यो ।
