नेपाल प्रहरीले तीन केजी १२ ग्राम चरेससहित एक जनालाई पक्राउ गरेको छ । पक्राउ पर्नेमा मकवानपुर थाहा नगरपालिका–७ का ५३ वर्षीय लक्ष्मण सिञ्जालीमगर रहेका छन् ।
महानगरीय प्रहरी प्रभाग नागढुङ्गाको टोलीले धादिङबाट काठमाडौँ आउँदै गरेको बा३ख ९६७३ नंको यात्रुवाहक बस चेकजाँचका क्रममा सिञ्जालीमगरलाई आइतबार राति पक्राउ गरेको प्रहरीले जनाएको छ ।
कालो झोलामा चरेस लुकाएर काठमाडौँ ल्याउँदै गरेको अवस्थामा सिञ्जालीमगरलाई पक्राउ गरिएको प्रभागका प्रमुख, प्रहरी निरीक्षक ज्ञानबहादुर खड्काले जानकारी दिए ।
पक्राउ परेका उनलाई आवश्यक अनुसन्धानका लागि महानगरीय प्रहरी वृत्त थानकोट पठाइएको खड्काले बताए ।
