रुसको अदालतले गुगलमाथि अहिलेसम्मकै ठूलो रकम जरिवाना तिर्न भनेको छ। यो भनेको विश्वको कूल ग्राहस्थ उत्पादन भन्दा पनि बढी हो। 

गनणा नै गर्न नसकिने यो रकम गुगलको सारा सम्पत्तिको मूल्यले पनि पुग्दैन। विश्वभरिको कूल ग्राहस्थ उत्पादन लगभग १०० ट्रिलियन डलरजति हुन्छ भने अघिल्लो वर्षमात्रै गुगलको कमाइ लगभग ३०५.६ अर्ब डलरबराबर थियो। 

अन्तर्राष्ट्रय सञ्चारमाध्यमहरूका अनुसार अमेरिकी डलरमा हिसाब गर्दा यो रकम २ पछि ३४ वटा जीरो बराबरको अमेरिकी डलर जरिवाना सुनाएको हो। २०,०००,०००,०००,०००,०००,०००,०००,०००,०००,०००,००० भनेको लगभग २.५ अण्डसिलियन रुबल हुन्छ र अमेरिकी डलरमा हिसाब गर्दा २५ डेसिलियन अमेरिकी हुन्छ। गणीतय भाषामा १ अण्डसिलियनका पछि ३६ जीरो हुन्छन्। 

यो रकम गुगलले आगामी नौ महिनाभित्र तिरिसक्नुपर्नेछ। तोकिएको समयसीमाभित्र जरिवाना नतिरेमा तोकिएको रकम दुई गुणाले बढ्दै जानेछ। 

चार वर्षजति चलेको कानुनी लडाईंपछि अदालतले गुगललाई जरिवाना तोकेको हो। त्यो बेला गुगलले रुसका सञ्चारमाध्यमहरूलाई प्रतिबन्ध लगाएको थियो। र त्यो बेला रुसको एउटा राष्ट्रवादी च्यानल जारग्रेडलाई पनि युट्युबलगायत गुगलका सबै प्रणालीहरूबाट हटाएको थियो। यो च्यानल अमेरिकाको प्रतिबन्धित सूचीमा पनि छ। 

प्रतिबन्धित सञ्चारमाध्यमहरूले गुगलविरुद्ध हालेको त्यो मुद्दामा यो जरिवानासँगसँगै अदालतले सबैमाथिको प्रतिबन्ध हटाउन पनि भनेको छ। रुसी बजारमा भने जरिवाना रकम तिरिसकेपछिमात्रै गुगलले प्रवेश पाउनेछ।