भारतको हरियाणा र महाराष्ट्र विधानसभा गठनका लागि भएको चुनावको मत गणना जारी छ ।
प्रारम्भिक मत परिणामले हरियाणा र महाराष्ट्रमा भारतीय जनता पार्टी (भाजपा)ले सन्तोषजनक नतिजा ल्याउन सकेको छैन् ।
२८८ सिटको महाराष्ट्रमा भाजपा गठबन्धन १६२ सिट (भाजपा १०२ र शिवसेना ५९) मा अगाडि छ । कांग्रेस गठबन्धन १०० सिट (भारतीय कांग्रेस ४४ र राष्ट्रिय कांग्रेस ५६) मा अगाडि छ ।
महाराष्ट्रमा हाल भाजपा–शिवसेनाको सरकार छ । यो चुनावले उसको सिट संख्या घट्ने देखाएको छ ।
हरियाणामा भने भाजपाको नतिजा सुखद रहेन। भाजपा गठबन्धन ३६ र कांग्रेस गठबन्धन ३५ सिटमा अगाडि छ ।
९० सिटको विधानसभामा हाल भाजपाको सरकार छ ।
