नागरिक उन्मुक्ति पार्टी (नाउपा)का बहुमत सांसदहरुले पार्टी अध्यक्ष रञ्जिता श्रेष्ठलाई संसदीय दलकाे नेताबाट हटाएका छन्। आइतबार बसेकाे दलकाे बैठकले अध्यक्ष श्रेष्ठलाई दलकाे नेताबाट हटाउने निर्णय गरेकाे हाे।
उक्त निर्णयमा गंगाराम चाैधरी डगाैरा, अरुणकुमार चाैधरी, लालवीर चाैधरीकाे हस्ताक्षर छ। अध्यक्ष श्रेष्ठकाे हस्ताक्षर भने छैन।
त्यस्तै बैठकले गंगाराम चाैधरी डगाैरालाई संसदीय दलकाे नेता बनाउने निर्णय गरेकाे छ। भने, लालवीर चाैधरीलाई प्रमुख सचेतक बनाउने निर्णय गरेकाे छ।
याे निर्णय साेमबार बिहान संसद सचिवाललाई बुझाउने तयारी नाउपाकाे छ।
नागरिक उन्मुक्ति पार्टीमा संरक्षक रेशम चाैधरी र अध्यक्ष श्रेष्ठबीच विवाद छ। याे पनि उक्त विवादकाे प्रभाव भएकाे अनुमान गरिएकाे छ।
