बिहीबार बसेको मन्त्रिपरिषद्ले ११ देशका राजदूतलाई फिर्ता बोलाउने निर्णय गरेको छ। 

बैठकले भारत, अमेरिका, बेलायत, कतार, साउदी अरेबिया, दक्षिण कोरिया, मलेसिया, स्पेन, पोर्चुगल, डेनमार्क र इजरायलका लागि नेपाली राजदूतलाई फिर्ता बोलाउने निर्णय गरेको हो।

यस्तै बैठकले प्रधानमन्त्री पुष्पकमल दाहाल प्रचण्डको भारत भ्रमण स्वीकृत गरेको छ। आगामी शनिबारदेखि प्रचण्डले गर्न थालेको दुई दिने भ्रमण स्वीकृत भएको सूचना तथा सञ्चार प्रविधिमन्त्री रेखा शर्माले जानकारी दिइन्। 

प्रचण्ड भारतीय जनता पार्टी (भाजपा) का नेता नरेन्द्र मोदीको प्रधानमन्त्रीको रुपमा तेस्रो कार्यकालको शपथ ग्रहण समारोहका लागि भारत जान लागेका हुन्।