काठमाडौँकाे चाबहिलमा एक पुरुषले आफैँमाथि पेट्रोल छर्केर आगो लगाएका छन्।
बुधबार चाबहिलको सरस्वती नगरमा ५५ वर्षीय चञ्चलबहादुर सिंहले आफैँलाई आगो लगाउँदा श्रीमती र ३ छोरी घाइते भएका छन्।
सिंहकाे शरीरमा लागेका आगो निभाउने क्रममा ४४ वर्षीया श्रीमती बिन्दु सिंह, छोरीहरू २४ वर्षीया सुप्रिया, १६ वर्षीया समृद्धि र ८ वर्षीया सुहानी घाइते भएका हुन्।
उनीहरूलाई उपचारका लागि कीर्तिपुरस्थित बर्न अस्पतालमा भर्ना गरिएकाे छ।
सिंहले मादक पदार्थ सेवन गरी मंगलबार राति श्रीमतीसँग झगडा गरेपछि आगो लगाएकाे प्रहरीले जनाएकाे छ।
