उत्तरी इराकमा भइरहेकाे विवाह समारोहमा आगलागी हुँदा १०० जनाको मृत्यु भएको छ भने १५० जना घाइते भएका छन्।
मंगलबार साँझ इराकको उत्तरी निनेभे प्रान्तको अल-हम्दानियामासयौं मानिसहरू उत्सवमा रमाइरहेकाे बेला आगलागी भएको हाे।
स्थानीयका अनुसार करिब राति १०:४५ बजे भवनमा आगलागी भएकाे थियाे।
इराकको सरकारी समाचार एजेन्सी आईएनएले उद्धृत गर्दै इराकको नागरिक रक्षा निर्देशनालयले भनेको छ, 'अत्यधिक ज्वलनशील, कम लागतको निर्माण सामग्रीको प्रयोगको कारणले हलका केही भागहरू भत्किएको थियो जुन आगो लागेको केही मिनेटमा नै भत्किन्छ।'
मृतकमध्ये दुलहा र दुलही थिए वा घाइते भए भन्ने अझै खुल्न सकेको छैन।
'आगोको मुस्लो बाहिर निस्किरहेको हामीले देख्यौँ। जो बाहिर निस्किन सके निस्के, जो सकेनन् उनीहरू त्यहीँ फसे। जो बाहिर निस्किन सके उनीहरू पनि घाइते थिए', ३४ वर्षीय इमाद योहानाले रोयटर्सलाई भनिन्।
'विवाहको अर्को पाहुना, रानिया वाड, जसले आफ्नो हात जलेको थियो', उनले भनिन् 'दुलहा र दुलही ढिलो नाच्दै गर्दा आतिशबाजी छतमा चढ्न थाले र पूरै हल आगो लाग्याे।'
कम्तीमा १०० जनाको मृत्यु भएको र १५० जना घाइते भएको राज्य समाचार एजेन्सी आईएनएले बताएको छ। घाइतेहरूलाई अस्पतालहरूमा उपचारको लागि लगिएको छ।
आगलागी के कारणले भएको हो भन्ने अहिलेसम्म थाहा हुन सकेको छैन, तर प्रारम्भिक रिपोर्टहरूले आतिशबाजी गरेपछि आगलागी भएको बताइरहेकाे छ।
