नेपालकै कुनै एक दुर्गम जिल्लाको मातृशिशु मृत्युदर कति छ भनेर लेख्नुपर्याे भने केही गृहकार्य, अनुसन्धानका साथसाथै के–को अभावमा मातृशिशु मृत्युदर उच्च भएको हो भनेर स्थलगत रिपोर्टिङ नै गर्नुपर्ने हुन्छ। चाहे त्यो स्थानीय पत्रकारले होस् या अन्र्तराष्ट्रिय मिडियामा काम गर्ने पत्रकारले।
त्यति गरिसकेपछि देशकै अन्य जिल्लासँग दाँज्ने किन मातृशिशु मृत्युदर धेरै भएको? कारणहरू के–के हुन्? स्वास्थ्य मन्त्रालयको तथ्याङ्कले के भन्छ? चिकित्सकको उपस्थिति के छ? अन्य विकासोन्मुख देशमा के छ? विकसित देशमा के छ? भनेर तुलना गर्ने काम पत्रकारको हो।
