भारतको मध्य–प्रदेशका मुख्यमन्त्री शिवराज सिंह चौहानले गाईको गोबर र पिसाबलाई आर्थिक रुपमा जोड्नुपर्ने बताएका छन्। गाईको गोबर र पिसाबले भारतीय अर्थतन्त्रलाई बलियो बनाउन सक्ने उनको भनाइ छ।
भारतीय पशु चिकित्सा संघ, महिला शाखाको अधिवेशनलाई राजधानी भाेपालमा सम्बोधन गर्दै मुख्यमन्त्री चौहानले गोबर र पिसाबले मध्य–प्रदेश र भारतको अर्थतन्त्रलाई बलियो बनाउन सहयोग गर्ने दाबी गरेका छन्।
यसै सन्दर्भमा समाचार एजेन्सी एएनआईले सामाजिक सञ्जालमार्फत् मुख्यमन्त्री चौहानको उक्त भिडियो शेयर गरेको छ। जसमा उनले गाईको गोबर र पिसाबबारे कृषकलाई पाठ पढाइरहेको देख्न–सुन्न सकिन्छ।
‘जनता नजोडिएसम्म गौशाला चल्न सक्दैनन्। हामी मध्य–प्रदेशमा उज्यालो जगाउने प्रयासमा छौँ,’ उनले भने, ‘अहिले गाईको गोबरलाई गुणस्तरीय मल बनाउन थालिएको छ।’ भारतलाई गाईको गोबर र पिसाबबाट आर्थिक रुपमा सक्षम बनाउन बारम्बार आग्रह गरेका छन्।
#WATCH | Cows, their dung and urine can help strengthen the economy of the state and the country if a proper system is put in place," says Madhya Pradesh CM Shivraj Singh Chouhan while addressing a convention of the women’s wing of Indian Veterinary Association in Bhopal pic.twitter.com/Mf2yvmYsf0
— ANI (@ANI) November 13, 2021
