देशभर पछिल्लो २४ घण्टामा थप ८ हजार ४१८ जना जनामा कोभिड–१९ को सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार पछिल्लो समय १७ हजार ३१५ जनाको पीसीआर विधि र ९८९ जनाको एन्टिजेन विधिबाट परीक्षण गर्दा क्रमशः ८ हजार २८७ र १३१ जनामा संक्रमण पुष्टि भएको हो।
आजसम्म नेपालमा कोरोना भाइरस सङ्क्रमित तीन लाख लाख ८५ हजार ८९० पुगेका छन्। त्यस्तै पछिल्लो समय थप ३ हजार ३७० जना निको भएका छन्। यससँगै निको हुने दुई लाख ९८ हजार ७६५ छन्।
अहिले देशभर ८३ हजार ४९३ सक्रिय सङ्क्रमित छन् । हाल तीन सय ९८ जना क्वारेन्टिनमा छन्।
त्यस्तै पछिल्लो समय कोरोनाका कारण ५३ जनाको मृत्यु भएको छ। हालसम्म तीन हजार ६३२ जनाले कोरोनाको कारण ज्यान गुमाएको मन्त्रालयले जनाएको छ।
