विश्वमा पुनः फैलिदै गएको कोरोनाको अवस्था भयावह बन्न थालेको छ।
शुक्रबार मात्र विश्वमा ६ लाख १८ हजार मानिस कोरोना संक्रमित भएको विदेशी सञ्चारमाध्यमहरूले बताएका छन्। वल्र्डोमिटर्सका अनुसार शुक्रबार विश्वमा ११ हजारले ज्यान गुमाएका छन्।
हालसम्म विश्वमा कोरोनाबाट १२ करोड ६६ लाख मानिस संक्रमित भइसकेका छन्, जसमा २७ लाख ७८ हजारको निधन भइसकेको छ।
हालसम्म १० करोड २१ लाख व्यक्ति स्वस्थ्य भएर घर फर्किए पनि २ करोड १७ लाख संक्रमित अहिले पनि कोरोनासँग लडिरहेका छन्।
