विराटनगरस्थित एक कलेजको बस दुर्घटना हुँदा ५ विद्यार्थी घाइते भएका छन्।
मंगलबार बिहान मेरील्याण्ड कलेजको बा २ ख ४५८ नम्बरको बस सुनवर्षी नगरपालिकाबाट विद्यार्थी लिएर आउने क्रममा भेडुवाथानमा दुर्घटना भएको हो।
बस दुर्घटनामा रतुवामाई नगरपालिकाकी निशा ताजपुरिया, रेजिना घिमिरे, श्रद्धा भट्टराई, मनिषा राजवंशी, विशाल कुमार मण्डल घाइते भएको रंगेलीस्थित इलाका प्रहरी कार्यालयका प्रहरी निरीक्षक अनमोल खड्काले जानकारी दिए।
घाइते विद्यार्थीलाई उपचारका लागि विराटनगर लगिएको छ।
प्रहरीले बससहित चालक ३१ वर्षीय धर्मेन्द्र वर्मालाई नियन्त्रणमा लिएर अनुसन्धान अघि बढाएको छ।
.jpg)
