रौतहटमा प्रहरीले गाँजासहित चार जनालाई पक्राउ गरेको छ। रौतहटको देवाही गोनाही नगरपालिका– ८ बाट प्रहरीले उनीहरुलाई पक्राउ गरेको हो। पक्राउ पर्नेमा मकवानपुरका सागर लामा, अंकित लामा, विशाल लामा र निरज लामा पक्राउ परेका छन्।

मौलापुरबाट जयनगर तर्फ जाँदै गरेको बा ६४ प ९३०७ र ना ४५ प ६३९८ नम्बरको दुई वटा मोटरसाइकललाई चेकजाँच गर्दा २० किलो गाँजा बरामद भएको इलाका प्रहरी कार्यालय देवाही गोनाहीका प्रहरी निरीक्षक मेदनीप्रसाद साहले बताए।

चार वटा झोलामा लुकाइ राखेको अवस्थामा गाँजा बरामद भएको उनले बताए। 

पक्राउ परेकाहरुको साथबाट २१ हजार रुपैयाँ र मोबाइल पनि प्रहरीले बरामद गरेको छ। पक्राउ परेका चारै जनालाई थप अनुसन्धानको लागि इलाका प्रहरी कार्यालय गरुडा पठाइने उनले बताए।