दक्षिण कोरियामा कोरिया भाइरसको संक्रमणबाट मर्नेको संख्या सयभन्दा बढी कटेको छ। शनिबार बिहानसम्म ९४ जनाको मात्र निधन भएको थियो। तर, दिउँसो १ नपुग्दै मर्नेको संख्या ८ थपिएपछि १ सय २ पुगेको छ।
यसअघिसम्म आठ वटा देशमा सयभन्दा बढीले ज्यान गुमाएका थिए। सय नाघ्ने कोरिया नवौं देश बन्न पुगेको छ।
इटाली, चीन, इरान र स्पेनमा हजारभन्दा बढीले ज्यान गुमाएका छन्। सयभन्दा माथि फ्रान्स,अमेरिका,बेलायत र नेदरल्यान्ड रहेका छन्।
कोरियामा ८ हजार ७ सय ९९ संक्रमणमा रहेको बताइएको छ। सबैभन्दा बढी देगु शहरमा ६ हजार ३ सय ४४ संक्रमित छन् भने सिओलमा ३ सय १४ जना भेटिएका छन्।
उपचारपछि घर फर्किनेको संख्या २ हजार ६ सय १२ पुगेको छ। स्थानीय स्वास्थ्य विभागका अनुसार ३ लाख १६ हजार ८ सय ४३ जनाको स्वास्थ्य परीक्षण भइसकेको छ।
.jpg)
