सिंहदरबारस्थित नेपाल टेलिभिजन नजिक हुलाक सेवा विभागको भवनमा आगलागी भएको छ । प्रहरीका अनुसार भवनको भ¥याङतर्फको सिरानतलामा  आइतबार साँझ आगलागी भएको हो। 

साँझ ७ः२५ बजे सुरु भएको आगलागी ७ः५० नियन्त्रणमा आएको थियो। आगलागीबाट प्यासेजमा रहेका केही कागजात जलेर नष्ट भएका छन्। मानवीय क्षति भने भएको छैन।

प्रहरीका अनुसार ननिभेका चुरोटका ठुटा डस्टबिनमा राखिएको फोहोरमा सल्किँदा आगलागी भएको हो। डस्टबिनमा चुरोटको ठुटा फाल्ने व्यक्तिको सम्बन्धमा खुल्न सकेको छैन। 

आगलागी हुनासाथ सिंहदरबार परिसरस्थित प्रहरी गणका सुरक्षाकर्मी र दमकल घटनास्थल पुगेको थियो। अगलागी भएको भवनमा संसद् भवन निर्माण सचिवालय निर्माणको कार्यालय, राष्ट्रिय वाणिज्य बैंक र एभरेष्ट बैकको शाखा कार्यालय छ।