चोरिएको मोटरसाइकलसहित एक जनालाई प्रहरीले पक्राउ गरेको छ। पक्राउ पर्नेमा गोरखाका मिलन न्यौपाने रहेका छन्।

काठमाडौँको दरबारमार्गबाट राति हराएको मोटरसाइकल बिहान ३ः०० बजेको समयमा कलङ्कीमा फेला परेको महानगरीय ट्राफिक प्रहरी महाशाखाले जनाएको छ।

दरबारमार्गस्थित ट्राफिक प्रहरीमा बा ४८ प ६१८६ नम्बरको स्कुटर हराएको सूचना आएको थियो। सूचना पाएको आधा घण्टामै चोरिएको मोटरसाइकल कलङ्कीमा फेला परेको महाशाखाका प्रहरी उपरीक्षक जीवनकुमार श्रेष्ठले जानकारी दिए।

'स्कुटर हराएको भनेर सूचना आयो, सबै मातहतका युनिटलाई तत्कालै खबर गर्यौं, कलङ्कीमा बसेका ट्राफिक प्रहरीले मोटरसाइकलसहित मानिसलाई पक्राउ गर्न सफल भए' उनले भने।