प्रदेश ५ का सबैभन्दा जेठा माननीय बलदेव शर्मा पोखरेलको निधन भएको छ। क्यान्सर रोगबाट पीडित ८२ वर्षीय पोखरेलको सोमबार दिउँसो पौने दुई बजे रुपन्देहीको तिलोत्तमा–१४ खैरियास्थित आफ्नै निवासमा निधन भएको हो।
१९९४ सालको माघ १९ गते प्युठानको तुसारामा जन्मिएका पोखरेल प्रमुख प्रतिपक्षी दल नेपाली कांग्रेसको समानुपातिक कोटाबाट प्रदेशसभा सदस्य बनेका थिए।
पोखरेललाई गत वर्ष माघमा छातीमा क्यान्सरको संक्रमण देखिएको थियो। र पछिल्लो समय शरीरभर फैलिएको थियो। लामो समय नर्भिक अस्पताल काठमाडौं र पछिल्लो समय रुपन्देहीको क्रिमसन अस्पतालमा उपचार गराएका शर्मालाई हालै मात्र घर लगिएको थियो।
२०२० सालदेखि रुपन्देहीको खैरियामा बस्दै आएका पोखरेलका एक पत्नी, चार छोरा र दुई छोरी छन्।
