कंगारूको देश भनेर चिनिने अस्ट्रेलिया आप्रवासीको देशको नयाँ पहिचान बनाउने क्रममा अगाडि बढिरहेको छ ।
अस्ट्रेलियाको तथ्यांक विभागले त्यहाँको कूल जनसंख्याको ३० प्रतिशत जनसंख्या आप्रवासीको रहेको बताएपछि यस्तो संकेत मिलेको हो । पछिल्लो जनगणनाअनुसार अस्ट्रेलियाको कूल जनसंख्या २ करोड ४६ लाखको हाराहारीमा हुँदा ७३ लाख ४३ हजार आप्रवासीको संख्या पुगेको छ ।
अस्ट्रेलियामा नेपाली आप्रवासीको संख्या पनि उल्लेख्य मात्रामा रहेको छ ।पछिल्लो तथ्यांकअनुसार आप्रवासीको संख्याको हिसाबले अस्ट्रेलियमा नेपाल १३ओै स्थानमा रहेको छ । पहिलो, दोस्रो र तेस्रो स्थानमा क्रमश: चीन,भारत र बेलायत रहेका छन् ।
