मोरङका ग्रामिण क्षेत्रमा स्थानीय प्रतिनिधिको पहलमा फ्रि वाइफाइ सेवा विस्तार गरेका छन्।
पथरीशनिश्चरे नगरपालिका वडा नं. ६ का वडाध्यक्ष जयबहादुर तामाङले आर्थिक वर्ष २०७६/०७७ मा बजेट बिनियोजन गरेरै वडाका विभिन्न स्थानमा फ्री वाइफाइको व्यवस्था गरेको जानकारी दिए।
अहिले हरेक कुराहरु इन्टरनेटको माध्यमबाट हुने र नगर तथा वडाका सम्पूर्ण गतिविधि थाहा पाउनका लागि पनि जनतालाई इन्टरनेटको आवश्यकता पर्ने भएकाले वडाले यस्तो व्यवस्था गरेको तामाङले बताए ।
वडाले व्यवस्था गरेको वाइफाइको सबै वडावासीले सदुपयोग गर्नुपर्ने तामाङले बताएका छन् ।
हाललाई वडाका ४ वटा चोक हसन्दह बजार, भातेगौँडा बजार, मंगलबारे बजार र गेलाबारी चोकमा यस्तो व्यवस्था रहेको वडा सचिव मिना कुमारी वर्माले जानकारी दिइन्।
हालको इन्टरनेट स्पिड ३० एमबिपिएस रहेको छ। यो एक वर्षका लागि म्याक्स नेट सोलुसन विराटनगरसँग सम्झौता गरिएको छ ।
