आसमको जोरहाटबाट अरूणाञ्चलका लागि उडेको भारतीय वायुसेनाको विमान एएन-३२ सोमबार मध्यान्हबाट बेपत्ता भएको छ।
सेनाका प्रवक्ताका अनुसार विमानमा चालक दलका आठ सदस्य र पाँच यात्री सवार थिए।
प्रवक्ताका अनुसार विमान जोरहाटबाट दिउँसो १२ बजेर २५ मिनेटमा अरूणाञ्चलका लागि उडेको थियो। तर, उडान भरेको केही समयपछि नै विमान सम्पर्क बिहिन भएको थियो।
विमानको दिउँसो १ बजेपछि एयर ट्राफिक कन्ट्रोल अर्थात एटीसीसँगको सम्बन्ध टुटेको थियो।
हराइरहेको विमान खोजिका लागि भारतीय वायुसेनाको टोली खटिएको छ। प्रवक्ताका अनुसार सबै उपलब्ध स्रोत र साधनको प्रयोग गरिएको छ।
यसअघि सन् २०१६ मा पनि भारतीय वायुसेना को एएन-३२ विमान बेपत्ता भएको थियो।
यसैबीच रक्षा मन्त्री राजनाथ सिंहले हराइरहेको विमानको विषयमा जानकारी लिन एयर मार्शल राकेश सिंह भदौरियासँग कुराकानी गरेका थिए।
Spoke to Vice Chief of @IAF_MCC, Air Marshal Rakesh Singh Bhadauria regarding the missing IAF AN-32 Aircraft which is overdue for some hours.
— Rajnath Singh (@rajnathsingh) June 3, 2019
He has apprised me of the steps taken by the IAF to find the missing aircraft. I pray for the safety of all passengers on board.
