थाइल्यान्डका राजा महा भाजिरालंकर्ण यतिबेला चर्चामा छन्।केही दिनअघि आफ्नै अंगरक्षकलाई महारानी बनाएर चर्चामा रहेका राजा राज्याभिषेकका कारण थप चर्चित भएका छन्।
तीन दिने राज्याभिषेक समारोहको पहिलो दिन उनले ‘ग्रेट क्राउन अफ भिक्ट्रि’ नाम दिइएको ७.३ किलो सुनको मुकुट लगाए।
राजा महा भाजिरालंकर्ण तीन वर्षअघि राजगद्दीमा बसे।२० वर्षको समयमा सन् १९७२ मा उत्तराधिकारी घोषित भएका उनलाई राजगद्दीमा बस्न ४४ वर्षसम्म कुनुपर्यो। उनका पिता भूमिबोल अदुल्यादेजको सन् २०१६ मा निधन भएपछि उनी राजा भएका हुन् ।
थाइल्यान्डको हालसम्मकै लोकिप्रिय राजा भूमिबोलले ७० वर्ष शासन गरे। उनको मृत्यु हुँदा उनी विश्वमै सबैभन्दा लामो समय शासन गर्ने राष्ट्रप्रमुख थिए।
