अन्तराष्ट्रिय क्रिकेट परिषद (आईसीसी) टी २० क्रिकेटको खेलाडी वरियता अन्तर्गत अलराउण्डरतर्फ नेपालका सोमपाल कामी र करण केसीको वरियतमा सुधार गरेका छन्।
आईसीसीले सार्वजनिक गरेको अलराउण्डरको नयाँ वरियतामा सोमपाल ७ स्थान उक्लिँदै ६० औं स्थानमा पुगेका छन्। यस्तै करण ८४ औं स्थानमा उक्लिएका छन्। यस अघि सोमपाल ६७ औं र करण ८८ औं स्थानमा रहेका थिए।
यस्तै पूर्वकप्तान पारस खड्काको अलराउण्डर तर्फको वरियता पनि खस्किएको छ। अलराउण्डरमा पारस ३३ औं स्थानमा झरेका छन् । यसअघि पारस ३२ औं स्थानमा रहेका थिए।
ब्याटिङतर्फ पारस खड्का यथावत रहेका छन् । पारस ५५ औं स्थानमा छन्। पारस ब्याटिङतर्फ भारतका महेन्द्र सिंह धोनी र वेष्ट इण्डिजका क्रिस गेल भन्दा अघि रहेका छन्। धोनी ७८ र गेल ८४ औं स्थानमा रहेका छन्।
यस्तै बलिङतर्फ सोमपाल कामी र सन्दीप लामिछानेको वरियतामा तल झरेका छन्। यता बलिङतर्फ करण शीर्ष १०० बाट बाहिरिएका छन्।
नयाँ वरियतामा सन्दीप ९ स्थान तल झर्दै ७८ औं स्थानमा पुगेका छन्। अघिल्लो पटक सन्दीप ६९ औं स्थानमा रहेका थिए।
सोमपाल कामी ९५ औं स्थानमा झरेका छन् ।यसअघि सोमपाल ८५ औं स्थानमा रहेका थिए।
