पर्सा प्रहरीले वीरगंजको रजत जयन्ती चोकबाट ३ जना हुण्डी कारोबारीलाई पक्राउ गरेको छ । पक्राउ पर्नेमा बिहार सुगौली बजार बस्ने २२ बर्षिय विक्की कुमार, रक्सौल नागा रोड निवासी २६ बर्षिय सुधिर कुमार र ३० बर्षिय सहिद आलम रहेका छन् ।
शुक्रबार बिहान करीब साढे १० बजे प्रहरीले वीरगञ्ज महानगरपालिका १६ रजतजयन्ती चोकबाट भारतीय नम्बरको विआर ०५ एस ३७९२, विआर०५ वि १४४४ र विआर ०६एआर ३७८९ नम्बरको मोटरसाइकलमा नेपाल आउँदै गरेका बेला उनिहरुलाई पक्राउ गरेको हो ।
पक्राउ परेका उनिहरुको साथबाट १८ लाख अवैध नेपाली रुपैयाँ बरामद गरिएको पर्साका प्रहरी उपरिक्षक सोमेन्द्र सिंह राठौरले बताए ।
अभियुक्तहरुलाई प्रहरी हिरासतमा राखि थप अनुसन्धानअगाडी बढाएको छ ।
