गाजामा हमासको नियन्त्रणमा मारिएका नेपाली युवा विपिन जोशीको शव आज नेपाल ल्याइँदैछ।

विपिनको शव बोकेको विमान मंगलबार दिउँसो २:३० बजे त्रिभुवन विमानस्थल अवतरण गर्नेछ। 

विपिनलाई श्रद्धाञ्जली अर्पण गर्न प्रधानमन्त्री सुशीला कार्की, मन्त्रीहरू, परराष्ट्र मन्त्रालयलका अधिकारीहरू दिउँसो त्रिभुवन विमानस्थल जाने परराष्ट्र मन्त्रालयले जानकारी दिएको छ।

दुई वर्षअघि पढ्दै–कमाउँदै कार्यक्रममा इजरायल पुगेका विपिन त्यहाँ पुगेलगत्तै हमासको कब्जामा परेका थिए।

दुई वर्षसम्म अज्ञात अवस्थामा रहेका विपिनको मृत्यु भएको जानकारी गराउँदै हमासले केही दिनअघि मात्र उनको शव इजरायली सेनालाई हस्तान्तरण गरेको थियो।

सोमबार इजरालमा विपिनलाई अन्तिम श्रद्धाञ्जली दिएर आज नेपाल पठाइएको हो। आजै दिउँसो उनको शव त्रिभुवन विमानस्थलमा आइपुग्दै छ।

विपिनलाई श्रद्धाञ्जली दिन शुभेच्छुकहरू विमानस्थलमा भेला हुन थालेका छन्।