‘राजनीतिक आन्दोलनलाई कानुनी दृष्टिकोणबाट हल गर्न खोजे देश थप द्वन्द्वमा जान सक्ने’ जेन–जी समूहले चेतावनी दिएको छ।

आन्दोलनको बलमा बनेको सरकारले आन्दोलन नै निल्न खोजेपछि जेन–जी अभियन्ताहरूले सरकार स्वतः अवैध भएको घोषणा गरेका छन्।

अन्तरिम सरकारकी प्रधानमन्त्री सुशीला कार्कीले आइतबार सिंहदरबारमा बदबहाली गर्दै मुलुकका महत्वपूर्ण सरकारी कार्यालयहरूमा गरिएको आक्रमण सुनियोजित देखिएको भन्दै कारबाही गर्ने चेतावनी दिएपछि जेन–जी समूहले विज्ञप्ति जारी गर्दै आपत्ति जनाएको हो।

जेन–जी अभियन्ता रविकिरण हमालले ‘जेन–जी पुस्ताले लडेको ऐतिहासिक आन्दोलनलाई अपराधीकरण गर्ने गम्भीर खतरा उत्पन्न भएको’ बताए।

उनले भने, ‘आन्दोलनकै समर्थनमा भनिएको कथित अन्तरिम सरकारले विजय प्राप्त गरेका आन्दोलनकारीहरू विरुद्ध निर्मम कदम चाल्ने संकेत प्रष्ट देखिएको छ।’

प्रेस विज्ञप्ति–