आज प्रतिनिधिसभा र राष्ट्रिय सभाको बैठक बस्दैछ। बैठकअघि प्रतिपक्षी दलका नेताहरू रणनीति बनाउन जुटेका छन्। 

नेकपा माओवादी केन्द्रको संसदीय दल कार्यालयमा भइरहेको बैठकले सरकारविरुद्ध सदनमा एक भएर प्रस्तुत हुनेबारे रणनीति तय गर्नेछ। 

राजावादीका विरुद्ध मोर्चाबन्दी पनि गरेका उनीहरूले १५ गतेको प्रदर्शनका बारेमा पनि छलफल गरेका छन्। 

बैठकमा पुष्पकमल दाहाल प्रचण्ड, मधाव नेपाल, नारायणकाजी श्रेष्ठ, डीपी ढकाल, स्वर्णिम वाग्ले, महिन्द्र राय यादवलगायत सहभागी छन्।

पछिल्लो समय राजावादीहरूको आन्दोलन चर्किरहेको छ। उनीहरूले पनि १५ गते नै राजधानीमा शक्ति प्रदर्शन गर्दैछन्। र सोही दिन विपक्षीहरूले प्रदर्शन राखेका छन्। 

यसैबेला सरकारले विद्यु प्राधिकरणका कार्यकारी निर्देशक कुलमान घिसिङलाई बर्खास्त गरेपछि प्रतिपक्षीहरू एकै ठाउँमा जुटेका छन्।