बिएल संवाददाता
धरान उपमहानगरपालिकाका मेयर हर्क साम्पाङले सिंहदरबारमा खोसिएको थोत्रे गाग्रीलाई संग्रहालयमा राख्न आग्रह गरेका छन्।
बुधबार सामाजिक सञ्जालमार्फत साम्पाङले कुच्चिएको थोत्रे गाग्रीले भाषण र आश्वासनमा सीमित केही पूँजीपतिहरूको घेरामा रहेको सिंहदरबारको कमजोर जग मज्जाले हल्लाएको दाबी गरेक हुन्।
साम्पाङले भनेका छन्, ‘करोडौं नेपालीहरूले बोल्न नसकेको बोली बोल्ने त्यो महान थोत्रे गाग्रीलाई सलाम छ मेरो! संग्रहालयमा राख्नु सम्हालेर त्यसलाई!’
उनले भविष्यमा जनताको आवश्यकताको माग लिएर यस्ता गाग्रीहरूले सिंहदरबार घेरिन नपरोस् भन्दै चेतावनी दिएका छन्।
भन्छन्, ‘लोकतन्त्रमा जनतालाई हेप्ने, उपेक्षा गर्ने कुशासनका कुव्यवहारहरू कतै देख्न र भोग्न नपरोस् अन्यथा गाग्रीहरूको आगमन भइनैरहनेछ।’
१ .
२ .
३ .
४ .
५ .
प्रतिक्रिया