जनता समाजवादी पार्टी (जसपा)ले प्रधानमन्त्री पुष्पकमल दाहाल प्रचण्डलाई विश्वासको मत नदिने भएकाे छ।

जसपाको बिहीबार बसेको संसदीय दलको बैठकले प्रधानमन्त्री प्रचण्डले संसदमा राख्ने विश्वासको मतको प्रस्तावको विपक्षमा मतदान गर्ने निर्णय गरेको हो।

‘जनता समाजवादी पार्टीको संसदीय दलको बैठक मिति २०८१/०३/२७ गते दलको कार्यालय सिहँदरबारमा बसी नेपाल सरकारको तर्फबाट सम्माननीय प्रधानमन्त्री पुष्पकमल दाहाल (प्रचण्ड) बाट मिति २०८१/०३/२८ गते शुक्रबारको दिन नेपालको सँविधानको धारा १०० को उपधारा (२) बमोजिम आफू माथि प्रतिनिधिसभाको विश्वास छ भन्ने प्रस्तुत प्रस्ताबको विपक्षमा मतदान गर्न निर्णय गरिएको व्यहोरा अनुरोध छ’, जसपाले भनेकाे छ।

नेकपा एमालेलगायतका दलले सरकारलाई दिएको समर्थन फिर्ता लिएकाले प्रधानमन्त्री पुष्पकमल दाहाल प्रचण्डले प्रतिनिधिसभाको शुक्रबारको बैठकमा विश्वासको मत लिँदैछन्।