बागमती प्रदेशका मुख्यमन्त्री किरण थापामगरले प्रदेशसभाबाट विश्वासको मत पाएका छन्।

मंगलबार प्रदेशसभा बैठकमा मुख्यमन्त्री थापामगरले विश्वासको मत लिएका हुन्।

उपसभामुख अप्सरा चापागाईंले विश्वासको मतको पक्षमा ५७ र विपक्षमा शून्य मत परेकोले मुख्यमन्त्री थापाले विश्वासको मत पाएको घोषणा गरिन्।

थापालाई नेपाली कम्युनिस्ट पार्टी (नेकपा)का २६ र नेकपा एमालेका २५ (उपसभामुखसहित) र राप्रपाका ७ जना सांसदले विश्वासको मत दिएका छन्।

प्रदेशसभाको प्रमुख प्रतिपक्षी दल नेपाली कांग्रेसले आजको प्रदेश सभा बैठक बहिष्कार गरेको छ।

यसैगरी, विपक्षी दल नेपाल मजदुर किसान पार्टी (नेमकिपा)का ३ जना र हाम्रो नेपाली पार्टीका २ जना सांसद पनि बैठकमा अनुपस्थित भएका छन्।

१०४ सदस्यीय प्रदेशसभामा बहुमत पुर्याउन ५३ जना सांसदको समर्थन आवश्यक पर्छ। थापाले ५७ मत पाएका छन्।