प्रधानमन्त्री बालेन्द्र शाहले पाकिस्तानको ब्रड पिक हिमपहिरोमा परि ज्यान गुमाएका नेपाली पर्वतारोहीप्रति श्रद्धाञ्जली व्यक्त गरेका छन्।

पाकिस्तानको काराकोरम पर्वत–शृङ्खलामा अवस्थित विश्वको १२औं अग्लो हिमाल ८,०५१ मिटर अग्लो ‘ब्रड पिक’ आरोहणका क्रममा विश्व कीर्तिमानधारी निर्मल पुर्जा (निम्स दाइ)सहित छ जना नेपाली तथा अन्य चार विदेशी आरोहीहरूले ज्यान गुमाएका थिए।

‘निर्मल पुर्जा लगायत सम्पूर्ण दिवङ्गत आरोहीहरूको भौतिक यात्रा मात्रै रोकिएको हो, तर उहाँहरूको साहस, समर्पण र योगदानको इतिहास सधैँ प्रेरणायुक्त र जीवित रहिरहनेछ। सम्पूर्ण दिवङ्गत आरोहीहरूप्रति भावपूर्ण श्रद्धाञ्जली। शोकसन्तप्त परिवारजन, आफन्त तथा शुभेच्छुकहरूप्रति हार्दिक समवेदना,’ प्रधानमन्त्रीले भनेका छन्।

हिमालले धेरैलाई शिखरको गौरव दिने र कहिलेकाहीँ आफ्नै काखमा सधैँका लागि अँगालेर राख्ने उल्लेख गर्दै प्रधानमन्त्रीले हिमाल आरोहीहरू आफ्नो साहस र समर्पणका कारण इतिहासमा सधैँ अमर रहने बताएका छन्।