नेकपा एमालेका उपाध्यक्ष एवं पूर्वअर्थमन्त्री विष्णु पौडेलविरुद्ध पाँचौंपटक म्याद थप भएको छ।

सोमबार विशेष अदालतका न्यायाधीशद्वय नारायणप्रसाद पौडेल र उमेश कोइरालाको इजलासले पौडेललाई थप तीन दिन हिरासतमा राखेर अनुसन्धान गर्न अनुमति दिएको हो।

यसअघि पौडेलविरुद्ध चौथोपटक ५ दिन थुनामा राख्न न्यायाधीशहरू नारायणप्रसाद पौडेल र विदुर कोइरालाको संयुक्त इजलासले सम्पत्ति शुद्धीकरण विभागलाई अनुमति दिएको थियो।

गत असार ८ गते सुर्खेतबाट पक्राउ परेका पौडेललाई भोलिपल्ट काठमाडौं ल्याइएको थियो। पहिलोपटक ७ दिन, दोस्रोपटक ३ दिन, तेस्रोपटक ६ दिन र चौथोपटक ५ दिन म्याद थप गरी थुनामा रहेका पौडेललाई थप हिरासतमा राखेर अनुसन्धान गर्न सम्पत्ति शुद्धीकरण विभागलाई अदालतले अनुमति दिएको हो।

पुर्पक्षका लागि थुनामा रहेका विवादास्पद व्यवसायी दीपक भट्टसँग शंकास्पद कारोबार देखिएका पौडेलको सेयर कारोबार र सम्पत्तिको शंकास्पद स्रोतको अनुसन्धानका क्रममा सम्पत्ति शुद्धीकरण विभागले पौडेललाई पक्राउ गरेर अनुसन्धान गरिरहेको छ।