सर्वोच्च अदालतले महान्यायाधिवक्ता नारायणदत्त कँडेलको १२ वर्षदेखि नेपाल र बेलायत आउजाउ गर्दाको प्रमाणित अभिलेख पेश गर्न आदेश दिएको छ।

महान्यायाधिवक्ता कँडेलको योग्यतामाथि परेको रिट निवेदनको सुनुवाइपछि सर्वोच्च अदालतले कँडेलको नेपाल र बेलायत आउजाउको सम्पूर्ण विवरण पेश गर्न आदेश दिएको हो।

सोमबार न्यायाधीशहरू विनोद शर्मा र सुनिलकुमार पोखरेलको इजलासले सन् २०१५ देखि २०२४ सम्मको सम्पूर्ण विवरण झिकाउनू भनी आदेश गरेको हो।

सर्वोच्च अदालतले कँडेललाई महान्यायाधिवक्तामा नियुक्तिका लागि सिफारिस गर्ने भनी २०८२ चैत २२ मा प्रधानमन्त्रीबाट भएको निर्णय पनि झिकाएको छ।

अधिवक्ता माधव कुमार बस्नेत, शिराज बराल र दीपकराज जोशीले न्यायाधीश सरहको योग्यता चाहिने महान्यायाधिवक्तामा कँडेलको योग्यता नपुग्ने दाबीसहित सर्वोच्च अदालतमा छुट्टाछुट्टै निवेदन दिएका थिए।