बिएल संवाददाता
नेकपा एमालेका उपाध्यक्ष विष्णुप्रसाद पौडेल पक्राउ परेका छन्।
उनलाई सम्पत्ति शुद्धीकरण विभागले सम्पत्ति शुद्धीकरण कसुरको अनुसन्धानका लागि सुर्खेतबाट पक्राउ गरेको हो।
सुर्खेतमा पक्राउ परेका उनलाई नेपालगंज लगेर त्यहाँस्थित प्रहरी तालिम केन्द्रमा राखिने भएको छ। भोलि उनलाई नेपालगंजबाट प्लेनमार्फत काठमाडौं ल्याउने तयारी गरिएको छ।
पौडेल पार्टी पुनर्गठन सुझाव संकलन अभियानका लागि सुर्खेत पुगेका थिए। उनलाई प्रदेश भेला कार्यक्रमबाटै विभागको टोलीले नियन्त्रणमा लिएको थियो
विभागले उनको भैंसेपाटीस्थित निवासमा पनि छापा हानेको छ। विभागको टोलीले महत्वपूर्ण कागजातहरू नियन्त्रणमा लिएको स्रोतले बतायो।
विभाग स्रोतका अनुसार पौडेलको विवादास्पद बिचौलिया दीपक भट्टसँग शंकास्पद कारोबार र सम्बन्ध देखिएको छ।
१ .
२ .
३ .
४ .
५ .
प्रतिक्रिया