रास्वपा सभापति रवि लामिछाने र भारतका प्रधानमन्त्री नरेन्द्र मोदीबीच नयाँ दिल्लीमा शिष्टाचार भेटवार्ता भएको छ।

भारतीय जनता पार्टीको निमन्त्रणमा भारत भ्रमणमा रहेका सभापति लामिछानेले बुधबार त्यहाँका प्रधानमन्त्री मोदीसँग भेटवार्ता गरेका हुन्।

भेटको तस्बिर राख्दै मोदीले लामिछानेसँग भेट्न पाउँदा अत्यन्तै खुसी लागेको बताएका छन्।

मोदीले एक साझा र समृद्ध भविष्यका लागि मिलेर काम गर्ने रास्वपा सभापतिको चाहनालाई आफूले स्वागत गर्ने र पूर्ण रुपमा सहमत रहेको बताएका छन्।

मोदीले नेपालको नयाँ सरकारसँग सहकार्य गर्न उत्सुक रहेको बताएका छन्।

मोदीले एक्समा नेपालीमै लेखेका छन्, ‘हाम्रो छिमेकी पहिलो नीति अन्तर्गत नेपाल प्राथमिकतामा रहेको साझेदार हो र हामी दुई देशबीचको विशिष्ट एवम् बहुआयामिक सम्बन्धलाई थप उचाइमा पुऱ्याउन नयाँ सरकारसँग सहकार्य गर्न उत्सुक छौं।’