नेकपा एमालेले भाटभटेनीका मालिक मिनबहादुर गुरुङले दानमा दिने जग्गा अस्वीकार गर्ने भएको छ।

गुरुङले एमाले पार्टी कार्यालयका लागि जग्गासहित भवन बनाइदिने प्रस्ताव गरेका थिए। एमाले अध्यक्ष केपी ओली र गुरुङले संयुक्त रुपमा भवनको शिलान्याससमेत गरेका थिए।

सचिवालय बैठकले तर गुरुङको प्रस्तावलाई नेकपा एमालेले धन्यावादसहित फिर्ता गर्ने भएको छ। सचिवालयमा प्रस्तुत प्रस्तावमा गुरुङबाट दानमा लिने भनिएको भवनको प्रस्ताव फिर्ता गरेर बल्खुमै कार्यालय बनाउने उल्लेख छ।

‘कलंकीमा भवन निर्माणको प्रस्ताव गर्ने दाता (मीनबहादुर गुरुङ दम्पत्ति)लाई धन्यवादसहित उहाँहरूको प्रस्ताव फिर्ता गर्ने र अब नयाँ कार्यालय भवन मदननगर, बल्खुमै निर्माण गर्ने निर्णय गर्ने,’ एमालेको प्रस्ताव छ।

व्यापारीबाट दानमा जग्गा लिने एमालेको निर्णयको व्यापक आलोचना भएको थियो।