भारतको विदेश मन्त्रालयले नेपालको निमन्त्रणामा हुन लागेको विदेश सचिव विक्रम मिश्रीको नेपाल भ्रमणको मिति दुई देशको आपसी समझदारीमा तय हुने बताएको छ।

मंगलबार भारतीय विदेश मन्त्रालयका प्रवक्ता रणधीर जैसवालले साप्ताहिक मिडिया ब्रिफिङका क्रममा मौरिससमा नेपालका परराष्ट्रमन्त्री शिशिर खनालसँगको भेटवार्ताका क्रममा विदेशसचिव मिश्रीलाई भ्रमणको निम्तो दिएको जानकारी गराए।

प्रवक्ताले भने, ‘मोरिससमा हाम्रा विदेशमन्त्री र पनि नेपालका विदेशमन्त्रीसँग कुराकानी भएको थियो। विदेशमन्त्रीलाई नेपालको तर्फबाट निम्तो आएको थियो।’

प्रवक्ताले विदेशमन्त्रीको नेपाल भ्रमण भने पनि नेपालस्थित भारतीय दूतावासले भने प्रवक्ताले भूलबस भनेको र विदेश सचिवको नेपाल भ्रमणको निम्तो आएको बताएको छ।

विदेश मन्त्रालयले भ्रमणको मिति भने टुंगो नलागेको र दुई देशबीचको आपसी समझदारीमा भ्रमणको मिति टुंगो लाग्ने बताएको छ।

‘उहाँ नेपाल जाने मिति भने दुई देशबीचको समझदारीमा तय हुन्छ,’ उनले भने।

मिडिया ब्रिफिङका क्रममा प्रवक्ता जैसवाललाई एक सञ्चारकर्मीले भारतीय विदेश सचिवको नेपाल भ्रमण रोकिनुको कारणबारे प्रश्न गरेकी थिइन्।