अमेरिकी राष्ट्रपति डोनाल्ड ट्रम्पले अमेरिकाले चाहेमा इरानलाई एकैरातमा समाप्त गरिदिने चेतावनी दिएका छन्।

समझदरीअनुसार इरानले होर्मुज स्ट्रेट खोल्न ढिलाइ गरे वा अटेर गरेमा इरानलाई समाप्त गर्नका लागि अमेरिकालाई एकै रातमात्रै पर्याप्त हुने पनि बताए। उनले इरानलाई होर्मुज स्ट्रेट खोल्नका लागि दिएको समयसीमा बुधबार साँझ ५ बजे सकिन लागेको छ।

‘अमेरिकाले चाह्यो भने एकैरातमा इरानलाई समाप्त पारिदिनसक्छ। हामीलाई आशा छ कि त्यो रात आजैको वा भोलिको रात नबनोस्’ ट्रम्पले भनेका छन् ‘त्यसपछि इरानसँग केही पनि बच्ने छैन। इरान समाप्त भएर जानेछ।’

यसबीचमा ट्रम्पको चेतावनीको जवाफ फर्काउँदै इरानले अमेरिकाको अस्थायी युद्धविराम अस्विकार गरेको छ। बरु उसले स्थायी शान्तिका लागि सधैंभरि युद्ध अन्त्यको माग पनि गरेको छ। उक्त प्रस्ताव इरानले पाकिस्तानमार्फत अमेरिकालाई पठाएको छ।