आइतबार साँझबाट एकाएक सम्पर्कविहिन बनेका एमाले सचिव महेश बस्नेत सामाजिक सञ्जालमा देखा परेका छन्।

आइतबार राति सरकारले प्रतिशोध साँधेर पक्राउ गर्ने तयारी गरेको भन्दै विरोध जनाएका बस्नेतले सोमबार दिउँसो माइतीघर मण्डलामा अध्यक्ष केपी ओलीको पक्राउको विरोधमा सहभागी हुने बताएका छन्।

बस्नेतले सामाजिक सञ्जालमा भनेका छन्–

आज दिउँसो १ बजे माइतीघर मण्डलमा आयोजना हुने सशक्त विरोध कार्यक्रममा सहभागी हुन सम्पूर्ण साथीहरूलाई हार्दिक अनुरोध गर्दछु।
वर्तमान अधिनायकवादी र निरंकुश शैलीमा अघि बढिरहेको बालेन नेतृत्वको सरकारद्वारा नेकपा (एमाले)का अध्यक्ष केपी ओलीमाथि गरिएको प्रतिशोधपूर्ण गिरफ्तारी तथा कथित गृहमन्त्रीका सबै प्रकारका अराजक गतिविधिहरूको विरोधमा नेकपा (एमाले) राजधानी प्रदेशले आयोजना गर्न लागेको विशेष प्रदर्शनमा सशक्त सहभागिता जनाऔँ।

आन्दोलनको मोर्चामा भेट हुनेछ। जुझारु अभिवादन सहित।