प्रधानमन्त्री बालेन्द्र शाहले आफ्नो सचिवालय टिम गठन गरेका छन्।

शुक्रबार प्रधानमन्त्रीको पद तथा गोपनीयताको शपथ लिएर सिंहदरबारमा पदबहाली गरेका शाहले मन्त्रिपरिषद् बैठकपछि सल्लाहकार र सचिवालयको टिम गठनको कसरत थालेका हुन्।

बालेनले बनाएको प्रारम्भिक टिममा हितैसी कुमार बेनलाई प्रमुख सल्लाहकारमा नियुक्त गरेका छन्। राजनीतिक सल्लाहकारमा असिम शाह नियुक्त भएका छन्।

यसैगरी, प्रधानमन्त्री शाहको मुख्य स्वकीय सचिवमा सुवास शर्मा र प्रशासन प्रमुखमा सुदिप ढकाल नियुक्त भएका छन्।

सूचना, सञ्चार तथा प्रविधि संयोजकमा विवेक मिश्र नियुक्त भएका छन्।

काठमाडौं महानगरका तत्कालिन प्रमुख प्रशासकीय अधिकृत प्रदीप परियारले प्रधानमन्त्री बालेन शाहको सरकारी टिमतर्फ निजी सचिवालयको जिम्मेवारी पाएका छन्।

बाँकी सल्लाहकार केही दिनमै नियुक्त गर्ने प्रधानमन्त्री शाहका राजनीतिक सल्लाहकार असिमले बताए।