कांग्रेस सभापति गगन थापाले दिएको राजीनामा केन्द्रीय कार्यसमितिले अस्वीकृत गरेको छ।

निर्वाचनमा पार्टीको लज्जास्पद हारको नैतिक जिम्मेवारी दिँदै सभापति थापाले पदबाट दिएको राजीनामा आइतबार बसेको पार्टी केन्द्रीय कार्यसमितिको बैठकले अस्वीकार गरेको छ।

गगनको राजीनामाबारे शुक्रबारदेखि केन्द्रीय कार्यालय सानेपामा बैठक जारी थियो। बैठकले सभापतिको राजीनामा अस्वीकार गर्ने उपसभापति विश्वप्रकाश शर्माको प्रस्ताव पारित गरेको प्रवक्ता देवराज चालिसेले बताए।

‘सभापति श्री गगनकुमार थापाले फागुन २१ गते सम्पन्न प्रतिनिधिसभा निर्वाचनको परिणामलाई लिएर यसको नैतिक जिम्मेवारी लिँदै उपसभापति समक्ष विधानको धारा २६ (१) वमोजिम पेश गर्नुभएको राजीनामालाई केन्द्रीय कार्यसमितिको यस बैठकले सर्वसम्मत रूपमा अस्वीकृत गर्ने निर्णय गरेको छ,’ चालिसेले जारी गरेको विज्ञप्तिमा भनिएको छ।