संसद सचिवालयले प्रतिनिधिसभामा प्रतिनिधित्व गर्ने राजनीतिक दलहरूका लागि संसदीय कार्यालयहरूको टुङ्गो लगाएको छ। चैत १२ गते सांसदहरूले सपथ लिएसँगै उनिहरूका संसदीय दलले ती कार्यालयहरू प्रयोग गर्नेछन्।

सिंहदरबाभित्र रहेका संसदीय कार्यालय भवनहरूमध्ये कुन भवन कुन दललाई दिने भन्नेबारे सचिवालयले बिहीबार छलफल गरेको थियो। यसपालि छ दलले राष्ट्रिय मान्यता पाएका छन्। उनिहरूसँग स्वतन्त्र जितेका महावीर पुनले पनि कार्यालय पाउने भएका छन्।

छलफलमा भएको सहमतिअनुसार नेपाली काँग्रेस र नेकपा एमालेले आआफ्नो पुरानै संसदीय दलको कार्यालय प्रयोग गर्नेछन्। यसअघि माओवादीले प्रयोग गरेको कार्यालय भने रास्वपाले पाउने भएको छ। माओवादीसहितको नेकपा, श्रम संस्कृती र राप्रपाले भने नयाँ भवन पाउनेछन्।

स्वतन्त्र सांसद महावी पुनले नेपाल टेलिभिजनको अगाडी रहेको भवन प्रयोग गर्नेछन्।