बिएल संवाददाता
नेपाली कांग्रेसका उपसभापति विश्वप्रकाश शर्माले सभापति गगन थापाले दिएको राजीनामा अस्वीकृत गर्ने स्पष्ट पारेका छन्।
बिहीबार एक्समार्फत धारणा सार्वजनिक गर्दै उनले सभापतिले ‘नैतिक जिम्मा लिन्छु’ भन्नु सकारात्मक भए पनि अहिलेको प्रधान नैतिक दायित्व स्थिति सम्हाल्ने दायित्व भएको बताए।
उनले भोलि बस्ने केन्द्रीय कार्यसम्पादन समिति बैठकमा प्रारम्भिक समीक्षा, राजीनामा पत्र र राजीनामा अस्वीकृत गर्ने प्रस्ताव पेस हुने स्पष्ट पारे।
शर्माले भनेका छन्, ‘डढेलो निभाउन पुगेको व्यक्तिलाई आगलागीकै दोष बोकाउनु न्यायसंगत हुँदैन!’
गत फागुन २१ गते भएको प्रतिनिधि सभा निर्वाचनमा कांग्रेसले ३८ सिटमा मात्रै जित हासिल गरेको थियो। निर्वाचनमा लज्जास्पद हारपछि सभापति थापाले बिहीबार बिहान पदबाट राजीनामा दिएको घोषणा गरेका थिए।
१ .
२ .
३ .
४ .
५ .
प्रतिक्रिया