रास्वपामा मतसंख्याका हिसाबले पार्टी सभापति रवि लामिछाने १० नम्बरी भएका छन् । यसअघि २०४९ को चुनाव र उपचुनावमा रास्वपामा  एक नम्बरी रहेका रविले यसपटक पहिलाभन्दा बढी मत ल्याएर पनि एक नम्बरी हुन सकेनन् ।

रविले चितवन-२मा ५४,४०२ मत प्राप्त गरे । यसअघि २०७९ काे चुनावमा ४९,२६४ मत पाएका रविले २०८० काे उपनिर्वाचनमा ५४,१७६ मत ल्याएका थिए। 

यसपटकका बाहुबली बालेन शाह नै एक नम्बरी भए ।  झापा-५ का उम्मेद्वार शाहले ६८,३४८ मत ल्याएर रास्वपामा मात्रै उनी १ नम्बरी भएनन्, समग्र चुनावकै १ नम्बरी भए । यसैगरी झापा-२ बाट ६०,११० मत ल्याएर इन्दिरा राना मगर २ नम्बरी बनिन् । ३ नम्बरी बनिन् चितवन-की सोविता गौतम । उनले ५९,२७७ मत प्राप्त गरिन् । 

यसैगरी रूपन्देही-३ मा ५८,८१४ मत पाएर डा. लेखजंग थापा  रोल नम्बर ४ भए । ५ नम्बरी भए चितवन-१ का हरि ढकाल । उनले ५८,२०८ मत प्राप्त गरे ।सुनसरी २ का 
लाल विक्रम थापा ५७,३४८ मत ल्याएर ६ नम्बरी भए  । 

रूपन्देही-२ का सुलभ खरेल ५६,५५० मत प्राप्त गरी ७ नम्बरी हुँदा उनलाई पछ्याउँदै ८ नम्बरी हुन् पुगिन् मोरङ-६ की  रुबिना आचार्य  । उनले ५५,५१३ मत प्राप्त गरिन् । ९ नम्बरी बने रूपन्देही-१का सुनिल लम्साल । उनले ५४,८४५ मत प्राप्त गरे । त्षयसपछि मात्र पादो आयो पार्टी सभापति  रवि लामिछानेको । चितवन-२बाट उम्मेद्वार बनेका उनले ५४,४०२ मत प्राप्त गरे । 

१. बालेन्द्र शाह (झापा-५): ६८,३४८ 
२. इन्दिरा राना मगर (झापा-२): ६०,११० 
३. सोविता गौतम (चितवन-३): ५९,२७७ 
४. डा. लेखजंग थापा (रूपन्देही-३): ५८,८१४ 
५. हरि ढकाल (चितवन-१): ५८,२०८ 
६. लाल विक्रम थापा (सुनसरी-२): ५७,३४८ 
७. सुलभ खरेल (रूपन्देही-२): ५६,५५० 
८. रुबिना आचार्य (मोरङ-६): ५५,५१३ 
९. सुनिल लम्साल (रूपन्देही-१): ५४,८४५ 
१०. रवि लामिछाने (चितवन-२): ५४,४०२