परराष्ट्र मन्त्रालयले युनाइटेड अरब इमिरेट्स (यूएई)मा इरानको आक्रमणमा परेर हालसम्म १५ नेपाली घाइते भएका जानकारी गराएको छ।

परराष्ट्र मन्त्रालयले बुधबार आयोजना गरेको पत्रकार सम्मेलनमा मन्त्रालयका सहसचिव रामजी खड्काले इरानले प्रहार गरेको मिसाइल तथा ड्रोन आक्रमणममा परेर हालसम्म १५ नेपाली सामान्य घाइते भएको बताए।

तीमध्ये तीमध्ये १४ जना उपचारपछि आफ्नो काममा फर्किसकेको र एक जना उपचार क्रममा रहेको र उनको अवस्था समेत सामान्य रहेको सहसचिव खड्काले बताए।

इरानी ड्रोन आक्रमणमा यूएईमा गोरखाका विवेक श्रेष्ठको मृत्यु भएको थियो। उनको शव नेपाल ल्याएर अन्त्येष्टि समेत गरिसकिएको छ।

उनको क्षतिपूर्तिका लागि यूएईस्थित नेपाली दूतावासमार्फत पहल भइरहेको परराष्ट्र मन्त्रालयले जनाएको छ। तीबाहेक अन्य क्षेत्रमा रहेका नेपाली भने सुरक्षित रहेको मन्त्रालयले जनाएको छ।

इजरायल-अमेरिका र इरानबीच आक्रमण-प्रत्याक्रमण भइरहेको छ।

इरानले खाडी तथा पश्चिम एसियाका देशहरूमा रहेका अमेरिकी सैन्य बेशक्याम्पमा ड्रोन तथा मिसाइल आक्रमण गर्दै आएको छ।