नेकपा एमालेका अध्यक्ष केपी ओलीले नेपालमा कुनै पनि आवरणमा मिसाइलको धुँवा प्रवेश नगरोस् भन्ने कामना गरेका छन्।

इरानमा अमेरिका र इजरायलको आक्रमणपछि मध्यपूर्वमा भइरहेको मिसाइल आक्रमणका विषयलाई लिएर ओलीले यस्तो कामना गरेका हुन्।

उनले मध्यपूर्वमा मिसाइल आक्रमणले आफूलाई रातभर निद्रा नलागेको उनको भनाइ छ।

‘मध्यपूर्वी देशहरू माथिको आकाशबाट बर्सिएका मिसाइलको धुवाँको दृष्यले आज निद्रा परेको छैन। ती देशमा लाखौं नेपाली आपत र कोलाहलमा छन्,’ अध्यक्ष ओलीले लेखेका छन्, ‘तिनका परिवारले यहाँ पलपल छट्पटाएर बस्नु परेको छ।’

‘अस्वाभाविक र खतरनाक त कुरा युद्ध र भूराजनीतिक चपेटा हो,’ अवसर छनौटकाल लागि खुला विश्वमा आज संसारका नागरिक संसारैभरी आउनु जानु स्वभाविक भएको बताउँदै ओलीले भनेका छन्, ‘ती देशहरु पनि पक्कै युद्ध चाहदैँन थिए। तर शक्तिको स्वार्थ घुसेपछि विवश हुनुपर्ने।’

अध्यक्ष ओलीले नेपालमा अहिलेसम्म सौभाग्यवश मिसाइलको धुँवा भोग्नु नपरेको उल्लेख गरेका छन्। ओलीले सबैलाई सजगता र धैर्यता लिन आह्वान गरेका छन्।