ईरानका सर्वोच्च नेता आयतुल्लाह अली खामेनेई मारिएका छन्।

अमेरिकी राष्ट्रपति डोनाल्ड ट्रम्पले सामाजिक सञ्जालमार्फत अमेरिका–इजरायली आक्रमणमा नेता अली खामेनेई मारिएको जानकारी दिएका हुन्।

‘इतिहास सबैभन्दा क्रुर व्यक्तिमध्ये एक खामेनेई मारिएका छन् । यो केवल इरानी जनताका लागि मात्रै नभइ विश्ववका ती देशका नागरिकका साथ पनि न्याय भएको छ । जसलाई खामेनेही र उनका हत्यारा गिरोहले मारेका थिए ’ उनले भनेका छन् ।
ट्रम्पले पूरै साता मध्य पूर्वसहित विश्वमा शान्ति स्थापित गर्नका लागि बमबारी जारी रहने बताएका छन्।

इरानले भने खामेनेई मारिएको खबर सत्य नभएको बताएको छ । इरानी सरकारले खामेनेईले अझै पनि युद्धका लागि निर्देशनहरु दिइरहेको दाबी गरेको छ। अन्तर्राष्ट्रिय सञ्चार माध्यमहरुले खामेनेईको मृत्युको खबरलाई प्राथमिकताका साथ प्रकाशित गरेका छन्। अमेरिकाले इरानतर्फ युद्धपोतहरू तैनाथ गर्न थालेपछि नै खामेनेइ भुमिगत भएका थिए।