राष्ट्रिय स्वतन्त्र पार्टीका सभापति रवि लामिछानेको सम्पत्ति शुद्धीकरण’ र ‘सङ्गठित अपराध’सम्बन्धी अभियोगपत्र संशोधन गर्ने महान्यायाधिवक्ता कार्यालयको निर्णयविरुद्ध दायर रिटमा सुनुवाइ स्थगित भएको छ।

सर्वोच्च अदालतका न्यायाधीशद्वय मनोजकुमार शर्मा र बालकृष्ण ढकालको संयुक्त इजलासमा पहिलो नम्बरमा पेसी तोकिएको रिट न्यायाधीश ढकालले हेर्न नमिल्ने जानकारी गराएपछि स्थगित भएको हो।

न्यायाधीश ढकालले यसअघि रवि लामिछानेको सहकारी ठगीसहित सङ्गठित अपराधको मुद्धामा उच्च अदालतको आदेश स्वीकार गर्दै धरौटीमा छोड्न नमिल्ने आदेश दिएपछि लामिछाने लामो समय थुनामा परेका थिए।

सोही कारण यसअघि आफूले लामिछानेविरुद्ध आदेश गरिसकेको कारण फेरि विपक्षमा आदेश आए विवादमा परिने भन्दै हेर्न अस्वीकार गरेको जानकारी रिट निवेदकहरूलाई गराए।

सो मुद्धाको अर्को पेसी माघ ११ गतेका लागि तोकिएको छ।